កីឡាករជើងខ្លាំង វ៉ន វីវ៉ា សំរាកពីអាជីពប្រដាល់ មានគំរោងបង្កើតមុខរបរថ្មី
08-January-2016 | ដោយ មួយឡា
កំពង់ចាម៖ អ្នកនិយមតាមដានកីឡាប្រដាល់កម្ពុជាបានស្គាល់ច្បាស់ហើយកីឡាករ វ៉ន វីវ៉ា ដែលជាជើងខ្លាំងល្បីឈ្មោះប្រចាំប្រទេសកម្ពុជាមានស្រុកកំណើតនៅខេត្តកំពង់ចាម បានបាត់មុខពីសង្វៀនមួយរយៈពេលដោយសាររបួសបាក់ដៃ ប៉ុន្តែលោកអ្នក មានដឹងអត់ថាក្រៅពីអាជីពប្រដាល់ កីឡាកររូបនេះមានការងារអ្វីផ្សេងទៀត?
អ្នករាប់អានជិតស្និទ្ធនឹង វ៉ន វីវ៉ា បានទម្លាយប្រាប់ឲ្យដឹងថា ក្រៅពីអាជីពប្រដាល់ម្ចាស់ខ្សែក្រវាត់ពិភពលោក ISKA វ៉ន វីវ៉ា មានការងារជាមេការនៃក្រុមហ៊ុនលក់សាំងមួយដែលកីឡាកររូបនេះត្រូវត្រួតពិនិត្យមើលរាល់តៃកុងឡានបើកចេញ-ចូលទៅតាមបណ្ដាខេត្តនានា។
ប្រភពដដែលបានឲ្យដឹងទៀតថា ក្រៅពីនេះ វ៉ន វីវ៉ា និងភរិយាកំពុងចង់បើកហាងលក់អ្វីបន្ថែមទៀត ហេតុដូច្នេះហើយទើបបានជាគ្រួសារចង់លក់ដីដែលមានតិចតូចដើម្បីបានដើមទុនសម្រាប់បើកហាង។ ទោះយ៉ាងណាអ្នកទាំងពីរមិនបានឲ្យដឹងថា ចង់បើកហាងលក់អ្វីនោះទេ។
វ៉ន វីវ៉ា ត្រូវបានគេដឹងថា មានដីមួយកន្លែងស្ថិតនៅភូមិក្រាំងធ្នង់ ក្នុងខណ្ឌសែនសុ ខរាជធានីភ្នំពេញ និងថែមទាំងមានបន្ទប់ជួលថែមទៀត។ ជាងនេះទៅទៀត វ៉ន វីវ៉ា បានទាំងសរសេរលើ Facebook របស់ខ្លួនថាចង់លក់ដីដើម្បីយកប្រាក់ទៅប្រកបអាជីពផ្សេង។
ចំណែកអាជីពប្រដាល់វិញ វ៉ន វីវ៉ា នៅតែមានអារម្មណ៍ចង់បន្តឡើងប្រកួត ប៉ុន្តែភរិយារបស់លោកគឺ ស៊ន ដាវីន ហាមមិនឲ្យបន្តអាជីពកីឡាទៀតទេ ព្រោះឈឺខ្លួន ដោយសាររបួសបាក់ដៃនិងខ្លាចកើតមានបញ្ហាអាក្រក់ទៀត៕ ដោយ មែន កំសត់
ចំនួនអ្នកទស្សនា
- ថ្ងៃនេះ151
- ម្សិលមិញ12101
- សប្តាហ៍នេះ12261
- ខែនេះ127411
- ឆ្នាំនេះ127411
- សរុប20569867